آموزشگاه موسیقی آوای کُرد با بیش از هفت سال فعالیت به عنوان تنها آموزشگاه موسیقی در شهرستان سردشت تعطیل شد.

به گزارش هاناخبر «شورش ابوبکری» مدیر آموزشگاه موسیقی آوای کرد ضمن تایید این خبر گفت: که این آموزشگاه از سال ۹۱موفق به تمدید مجوز خود نشده و چاره را تعطیل شدن دیده است.

وی در همین ارتباط نامه ای سرگشاده به شرح زیر در اختیار رسانه ها  قرار داده است:

ئەوەندەی ژیانی خۆم لەبیر دێت لە کاتی مەکتەب ومەدرەسە و دەبیرستانیش هەمووکات ڕێک خەر بووم قەت تێک دەرنەبووم بەڵآم هەمیشە رێگەیان لێگرتم و هەمووکات لێان تێکدام..بەڵام من لە هەر حاڵدا کاری خۆم کرد تەنانەت لە ساڵآنێکدا هیچ چالاکیک لەو شآرەدا نەبوو کاری خۆمم کرد و نەمتوانی بێ دەنگ بم…لەوڕۆژەوە جەپ و راستی خۆم دەناسم هەمیشە ڕاستیەکانم ووتوە و هیچکات بە خاتری مەسڵەحەت بێ دەنگیم هەڵنەبژاردوە..من بە دوای هونەری سەربەخۆ دابووم و هەم و زۆر شانزی دەکەم کە بە هەر قیمەتێک و لە هەر شوێنێک کارم نەکردوە،،ئێستاش بەختەوەرم کەهەنگاوێک هونەری شارم بەرەو پێش بردبێ بەڵام هەست دەکەم تەمەنی هونەری من لەو شارە تەواو بوە ..

کاری هونەری سەرەتا کاری دڵە و ئەگەر ئەوانەی بە یەکەوە کار دەکەن ئەهلی دڵ نەبن ناتوانن بە یەکەوە کار بکەین من ئەهلی دڵم نەیدت بۆیە چەپڵەش بە دەستێک لێنادرێت..لە هەر شوێنێک پێویستیان بە من بوو بووم بەڵآم هەمووکات وەڵامی هاوکاریەکانم بە نەیاری وەرگرتەوە بە ڕاستی ئێستا ئەوەندەیان دەرزی بۆ ڕۆکردووم کە لە هیچ کوێ ناتوانم دابنیشم واباشە مەیدان بدەین بە  کەسانێکی تر کە ڕەنەگ زۆر جار ئاڵ و گۆڕی باش بێت و من هەمیشە بروام پێ هەیە…دڵنیا بن ئێمە شۆڕشێکی هونەریمان بەپا کرد..ئاورێکمان کردەوە کە ژیلەمۆکەی وازوو ناکوژێتەوە لە زۆربەی ئامێرەکان دا ژەنیارێکی باشمان پەروەردە کرد کە دەبنە داهاتووی موزیکی شار ..هیوادارم توانیبمان هەنگاوێکی باشمان بۆ بەرەو پێش چوونی موسیقای عیلمی و کلاسیک لە شاردا هەڵێنابێ..بە ڕای من شار پێوسیستی بە ئاڵ و گۆڕیە لە هەموو بەشەکاندا بۆ ئەەیکە شار ئاپدەیت بێتەوە ، هیوادارم ئەو کەسانەی هەمووکات ڕێگر بوون کەمێک بە ناخی خۆیان دابچنەوە! شار پیویستی بە هونەرە شآرێک  هونەری نەگەشێتەوە لە زۆۆر بواردا کارەسات ڕوو دەدات هونەر شادی ڕوحی کۆمەڵگایە، هەر هونەر بەرزە و هونەرمەند رەند و مەرد،هونەر چرای ڕێگای تاریکە..هونەر خزمەت بە دڵی مرۆڤ دەکات..هونەر شادی ڕوحی کۆمەڵگایە.. هیوادارم هەموو ماڵێک بە ئامێرێکی موسیقا برازێتەوە و بنەماڵەکان مناڵەکانیان لەتەمەنی خوار ١٠ ساڵیەوە بنێرن بۆ فێر بوونی موسیقا و پشتگیری منالەکانیان بکەن بۆ فێر بوونی موسیقا….

ئازیزان  لە ساڵی ١٣٨٥ تا ئێستا هیج بەرنامەیەکی من موجەویزی وەرنەگرتوە بە غەیری ٢ بەرنامەی فێرگە کە بە شێوەی داخلی بە پشتگیری کەسانێک توانیمان بەڕێوەی بەرین و لە هەر کوێش من دەعوەت کرام کارێکیان کردوە پێی من بە سەر سەحنە نەگات باهێندێ خەلکی بزانن من نە کارمەندی هیچ شوێنێکم و نە حقوقم لە هیچ کوێ هەبوە تەنیا بە شێوە خسوسی ساڵانێک کارم کردوە ودامەزرێنەر و بەرپرسی فێرگەی موسیقای ئاوای کورد بووم….

شارێک سینەمای چالاک نەبێت / موجتەمەعی فەرهەنگی ساڵی جارێک فێستیواڵێکی لێ بەڕێوە بچێت/ سالانە پێشانگایکی وێنە و ،،لێ نەبێت/ فێرگە و موسسەیکی هونەری لێ نەبێت / ساڵی کۆنسێرتێکی باشێ لێ نەکرێت/شانۆیک نەچێتە سەر سەحنە وادەر دەکەوێ هونەر و هونەرمەند باری کردوە لە وشآرە و خەڵکیش گرینگی بە هونەر نادەن….و پێوسیتیش بە موسیقا نیە…!

دوای هەوڵ و ماندوو نەبونیکی زۆر بەوە گەیشتم کە کاتێ تایدمان ناکەن کاتێ ئیدارەی ئیرشاد هاوکاری ناکات و هونەرمەندانیش ئامادەی هاوکاری نین..ئیتر چارەیەک نیە داخستن نەبێ ….

بە داخەوە لەو شارە هونەر و هونەرمەند هیچ جێگە و پیگەیەکی نیە و کەس ئاگاداری حاڵی هونەرمەند نیە و تەنیا کاتی پێویست هونەرمەندیان بیر دێتەوە و لە غەیری وەیدا هونەرمەند لە خەڵوەتی تەنیاییدا مەحکوم بە مەرگە…..

گلەیی لە من مەکەن من ئەوەی لە دەستم هات کردم گلەیی لە مودیریەتی فەرهەنگ و هونەری شار بکەن کە نەیتوانی چاودێری بارو دۆخی هونەری بکا ،نەیتوانی فێرگەیەک یا موسسەیەک لە دەورانی ١٦ ساڵەی مودیریەتی خۆیدا دابمەزرێنێ و هیچ هاوکاریکی ئێمەی نەکرد و دەرگای موجتەمەعی فەرهەنگی بۆ هەرکەسێک لە شآرەکانیتر کلاسیان نەداونێ ئاوەڵا کرد و هاتن و ئیستیفادەی خۆیان کرد و ڕۆیشتن…من ٢٦ ساڵە بێ هیچ چاوەروانییک کاری وهونەری دەکەم و تەنیا سەرمایەکەم سازەکەمە و هیچی تر هەر ئێە کردمان و کەسانێکی دیکە کەڵکیان لێ وەرگرت، لە هەرکوێی دونیا بام ئێستا حاڵم شتێکی دیکە بوو…

خەڵکیش هیچکات پشتگیریان نەکرد پەس بۆخۆتان نەتانویست مافی گلەییتان نیە کاتێ ئیوە نەتانهەوێت من هیچم بۆ ناکرێت.

 لە زستانیئەوساڵدا مۆڵەتێکی ٥٠ ڕۆژەیان داینێ و ئێمەش پاش بە دوا داچونێکی زۆر چوینە ورمێ و هەرچەن سەرەتا قەولیاندا کە نابێ ئەو فێرگەیە دابخرێت بەڵام وەڵآمێکی سافیان نەدامەوە…!

 شاری ئێمە پرە لە سەرمایەی هونەری کە بە داخەوە نابینرێن و تەنانەت لە فێستیواڵەکانیش دا نایانبینین و کەڵکی پێویستیان لێ وەر نەگیراوە تا رەوتی هونەری شار ئاوابێت و کەس گرنگی پێنەدا حاڵی هونەر و هونەرمەندان لەوشارەدا لەوە باشیتر نابێ..!

سوپاسیش بۆ ئەوکەسانە کە لەگەڵمان بوون وهاوڕێمان بوون منیش هەمووکات لەگەڵتانم جێتان ناهێڵم لە هەر شوێنی پێوسیتیتان بە من بێت …داوا لە بنەماڵەی هونەرجوەکان دەکەم پشتی مناڵەکانیان بەرنەدەن تا دەگەن بە ئامانج..دڵنیا بن هەر کۆتاییک دەستپێکێکی ترە..ئێمە هەر بووین و هەین و دەبین و هونەری واقیعی وەک ئاو وایە و هەمووکات ڕیگای خۆی دەدۆزێتەوە….

خۆشەویستان و هاوشاریانی ئازیز داخرانی ئاوای کورد بە مانای تەواو بوونی کار و چالاکی ئێمە نیە ئێمە بۆ مایەکی نادیار دوور دەبینەوە لە کاری فێرکاری و لە بەشەکانی دیکە کار دەکەین و چالاکی خۆمان دەبێت و دڵنیا بن کاتژمێری دڵی من بە هونەر کار دەکات و واز ناهێنین تا ئەو ڕۆژەی تەمەن یاری دەکات ..هێندێک کارو بەرنامەی شەخسی خۆمم هەن دەبێ تەواویان بکەم و لە هەرکوێی دونیابم دڵم بۆ ئێوە و شآرەکەم لێدەدات و پشتی هونەری شارەکەم بەرنادەم….

شۆڕش ئەبوبەکری دامەزرێنەر و مودیری فێرگەی موسیقای ئاوای کورد ( سوارۆ ) سەردەشت ٢٠ خاکەلێوەی ٢٧١٦

 

#

اشتراک این خبر در :